شيله - يا ماحلا الفنجال مع سيحت البال

الــجــادل

1.738

1

32

كانون الأول 21, 2009

كانون الأول 26, 2009

2

نزعل ونتكبر وحنا من الطين ..
والكل منا يصد لا أقبـل خويه ..
نفخر نقول إنا على الصد قاوين ..
وهي علينا فالحقيقه قويه ..
ننسى نهايتنا وعلى وين ماشين ..
وننسى الزمان اللي جمعنا سويه ..
تغيب وصورتك داخل العين ..
ويبقى لحبك في خفوقي بقيه ..
أحباب حنا لو يجي بيننا شين ..
ومانفترق دام المحبه نديه ..
خلك قوي لاتحتكرك الشياطين ..
قبل الفوات وقبل وقت المنيه ..
هذي هي الدنيا من الحين للحين ..
لابد بين الناس تحصل خطيه ..
ومن لايقدر غلطة أحبابه الحين ..
يقرا حروفي ويعتبرها هديه ..
باكر تمر سنين وسنين وسنين ..
والكل يرحل فالدروب المديه ..
صدقني تندم واذكر حروفنا زين ..
تندم على خلك إذا غاب ضيه ..
دنيا غريبه وأكثر الناس ماشين ..
وكم صاحب والله دفنته بيديه ..

Kuwait